Ղրղըզստանի դիրքորոշումը, որը չի միացել Տնտեսական միության կազմակերպության գագաթնաժողովի ամփոփիչ հայտարարությանը, բացարձակապես անհասկանալի է: Ինչպես հաղորդում է Trend ադրբեջանական գործակալությունը, այս մասին հայտարարել է Ադրբեջանի ԱԳՆ-ի պաշտոնական ներկայացուցիչ Հիքմեթ Հաջիևը:
Նա հայտարարել է, որ պաշտոնական Բաքուն շատ դժգոհ է Ղրղըզստանի նման դիրքորոշումից:
«Ղրղըզստանի դիրքորոշումը բացարձակ անհասկանալի է: Նման դիրքորոշումը լուրջ հարց է, թե ում ջրաղացին է ջուր լցնում այս երկիրը»,-ասել է Գաջիևը:
Նշենք, որ Իսլամաբադում կայացած Տնտեսական միության կազմակերպության գագաթնաժողովին մասնակից երկրները հայտարարություն են ընդունել՝ փաստելով, որ հակամարտությունները, մասնավորապես, հայ-ադրբեջանականը, խոչընդոտում են տարածաշրջանի տնտեսական զարգացմանը և ավելի լայն ձևաչափով համագործակցությանը: Նրանք նաև ընդգծել են, որ արցախյան հակամարտությունը պետք է լուծվի Ադրբեջանի այսպես կոչված «տարածքային ամբողջականության» շրջանակներում:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
