Ինչպես ցանկացած սերմ, այնպես էլ արեւածաղկի եւ դդմի սերմերն աչքի են ընկնում իրենց օգտակարությամբ: Արեւածաղկի սերմերը պարունակում են 25% սպիտակուց, 35% ճարպ եւ մեծ քանակությամբ ածխաջրեր: Բացի դրանից, աչքի են ընկնում հարուստ վիտամիններով, որոնք ամրացնում են մաշկը եւ լորձաթաղանթը, նորմալացնում են թթվահիմնային հավասարակշռությունը: Արեւածաղկի եւ դդմի սերմերը պարունակում են նաեւ ցինկ, որը շատ անհրաժեշտ է օրգանիզմին` հատկապես տղամարդկանց:
Մասնագետները խորհուրդ են տալիս արեւածաղկի եւ դդմի սերմերից պատրաստել շատ օգտակար եւ համեղ ըմպելիք, որը խորհուրդ է տրվում նաեւ երեխաներին: Սերմերն անհրաժեշտ է բովել, հետո աղալ սրճաղացով: Ստացված ալյուրի վրա եռացրած ջուր ավելացնել եւ եռացնել 5 րոպե: Ջրիկ զանգվածն անցկացնել քամիչով, ավելացնել մի գդալ մեղր եւ օգտագործել:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ»
17,03.2017
