ԿԸՀ քարտուղար Արմեն Սմբատյանն Aravot.am-ի հետ զրույցում անդրադարձավ «ԵԼՔ» դաշինքի ահազանգին առ այն, որ ընտրողների քվեարկությունը բացահայտելու նպատակով որոշ քաղաքական ուժերի ներկայացուցիչներ ընտրողներին բաժանել են տպագրված ծածկագրեր (օրինակ՝ Բ578), որոնք պետք է տեղադրվեն քվեարկության ծրարում՝ որպես տվյալ անձի քվեարկության վերահսկման միջոց:
«Եթե ընտրողը ցանկանում է գաղտնի քվեարկել, ապա օրենսդրությունը տալիս է այդ հնարավորությունը: Եթե չի ցանկանում գաղտնի քվեարկել, ապա այստեղ ընտրական հանձնաժողովի գործը բարդ է»,-նկատեց Արմեն Սմբատյանը:
«Ճիշտ է, ընտրական հանձնաժողովները պարտավոր են ապահովել ավելին, բայց հանձնաժողովի անդամը չի կարող մտնել քվեախուց եւ ստուգել՝ ընտրողը կատարո՞ւմ է այնպիսի գործողություն, որը կբացահայտի նրա քվեն»,-հավելեց նա:
Լուիզա ՍՈՒՔԻԱՍՅԱՆ
