«Կատարվածը կորակեի ահաբեկչական հարձակում, որը, նախնական վարկածով, ծայրահեղ իսլամականի ձեռքի գործն է»,-«Արմենպրես» լրատվական գործակալությունում այսօր լրագրողների հետ հանդիպմանն անդրադառնալով Սանկտ Պետերբուրգում տեղի ունեցած պայթյունին, որի զոհերի թիվն արդեն հասել է 14-ի, ասաց արաբագետ Սարգիս Գրիգորյանը:
Նա ընդգծեց, որ դեռեւս ոչ մի խմբավորում չի ստանձնել պայթյունի պատասխանատվությունը. «ԻՊ-ն դեռեւս լռում է…երեկ վերջինիս խոսնակի կողմից հայտարարություն է տարածվել, որում Սանկտ Պետերբուրգի մասին ոչինչ չի հնչում: Կոչ է արվում ակտիվացնել ջիհադական պայքարը, այդ թվում` ԱՄՆ-ում եւ ՌԴ-ում: Եթե ընդունենք, որ այս պայթյունի հետեւում ԻՊ-ն է կանգնած, ԻՊ խոսնակի ուղերձին պետք է հաջորդի պատասխանատվությունը ստանձնելու հայտարարությունը»:
Ըստ փորձագետի՝ ակնհայտ է, որ Սանկտ Պետերբուրգի մետրոյում մահապարտ-ահաբեկիչ է գործել: Սարգիս Գրիգորյանը կարծում է, որ քանի դեռ չկա պայթյունի պատասխանատվությունը ստանձնելու հայտարարություն, ՌԴ-ն Սիրիայում չի գնա ավելի ակտիվ գործողությունների ԻՊ-ի դեմ:
Կարդացեք նաև
Մանրամասն ՝ տեսանյութում
Լուիզա ՍՈՒՔԻԱՍՅԱՆ
