Ապրիլի 7-ին մայրաքաղաքում կանցկացվեն մի շարք տոնական միջոցառումներ

Սիրելի՛ համաքաղաքացիներ,

Վերջին տարիներին ձևավորված բարի ավանդույթի համաձայն՝ Երևանի քաղաքապետարանը, Մայրության և գեղեցկության տոնի՝ ապրիլի 7-ի առթիվ, հաճելի անակնկալներ է նախապատրաստել մայրաքաղաքի կանանց, աղջիկների և այդ օրը Երևանում գտնվող իգական սեռի զբոսաշրջիկների համար:

Անակնկալները կմեկնարկեն «Զվարթնոց» օդանավակայանից, որտեղ վաղ առավոտից ժամանող բոլոր կանանց և աղջիկներին կդիմավորեն ծաղիկներով ու շնորհավորական բացիկներով:

Օրվա ընթացքում անակնկալներ են սպասվում նաև մայրաքաղաքի փողոցներում, Երևանի մետրոպոլիտենում: Կանայք և աղջիկները ժամը 12:00-19:00-ն կարող են այցելել նաև Ազատության հրապարակ՝ դառնալով «STR» ՀԿ հետ համատեղ անցկացվող ավտո-մոտո թյունինգ շոուի մասնակիցը:

Կարդացեք նաև

Անդրանիկ Քոչարյանը վեհ խոսքեր ասաց մոր սիրո մասին, Գեղամ Մանուկյանն արձագանքեց. «Աչքիս առաջ եկավ Ջոմարդյան Հայկազը, որը զոհվածների մայրերին Եռաբլուրում քարշ էր տալիս»

• 12:51 07.04.2023

Ապրիլի 7-ին ընդառաջ ընդունելություն Սևան համայնքի ղեկավարի մոտ

• 12:32 06.04.2019

Ապրիլի 7. տոնական միամսյակն ամփոփվել է գալահամերգով

• 22:55 07.04.2017

Ժամը 18:00-20:00-ը Հյուսիսային պողոտայի միջնամասում տեղակայված բեմահարթակում կկազմակերպվի համերգային ծրագիր:

Ժամը 19:00-ից էլ Հանրապետության հրապարակում հանդիսավորությամբ կմիացվեն շատրվանները, որոնք կներկայանան ամբողջությամբ նոր երգացանկով, ինչը կուղեկցվի հաճելի անակնկալներով:
Ապրիլի 7-ին և կանանց միամսյակին նվիրված միջոցառումները կեզրափակվեն Շառլ Ազնավուրի անվան հրապարակում, որտեղ ժամը 19:00-21:00 կանցկացվի գալա համերգ:

Մայրության և գեղեցկության տոնի առթիվ անակնկալեր են սպասվում նաև մայրաքաղաքի բոլոր վարչական շրջաններում:

Երևանի քաղաքապետարանի մամլո հաղորդագրություն