«Մասնագետներն ասում են, որ մատնահետքերի նույնականացում իրականացնելն ընդամենը մի քանի օրվա խնդիր է, սակայն ԿԸՀ-ն մերժեց մեր դիմումը` պատճառաբանելով, որ դա դժվար և ժամանակատար գործընթաց է»,-«Նոյյան տապան»-ում այսօր լրագրողների հետ հանդիպմանը հայտարարեց Կենտրոնական ընտրական հանձնաժողովում «ՕՐՕ» դաշինքի ներկայացուցիչ Անդրանիկ Գրիգորյանը:
Հիշեցնենք, որ դաշինքը դիմել էր Վարչական դատարան` բողոքարկելով ԿԸՀ նշյալ որոշումը, եւ դատարանն էլ մերժեց դիմումը::
«Ընտրություններին պաշտոնապես մասնակցած քաղաքացիների թիվը կասկածելի է: 2013թ. համապետական ընտրություններում մասնակիցների պաշտոնական թիվն ավելի քիչ էր, քան այս տարի: Բացի այդ, ՀՀ բնակչության թիվը պարբերաբար նվազում է»,-նշեց Գրիգորյանը:
Թիվ 1 ընտրատարածքում «ՕՐՕ» դաշինքի տարածքային թեկնածու Թերեզա Սարգսյանն էլ նկատեց. «Գրանցված է եղել 2 մլն 564 հազար 244 քաղաքացի, բայց ՀՀ-ում այդքան ընտրող չկա»:
Կարդացեք նաև
Լուիզա ՍՈՒՔԻԱՍՅԱՆ
Լուսանկարը՝ «Նոյյան տապան»-ի
