Մեկ ամսից Արագածոտնի եւ Արմավիրի մարզերում նախատեսվում է գործարկել 3 հակակարկտային-հրթիռային կայաններ: Այս մասին այսօր «Սպուտնիկ Արմենիա» մամուլի կենտրոնում լրագրողներին հայտնեց ՀՀ Արտակարգ իրավիճակների փոխնախարար Դավիթ Կարապետյանը:
«Արդիականացվել է Արագածոտնի մարզի ռադիոլոկացիոն կայանը, հրթիռային պահեստները վերանորոգվել են: Այդ կայանները կպաշտպանեն 45 000 հեկտար գյուղատնտեսական տարածքներ: Հրթիռային պաշտպանության արդյունավետությունը բավականին բարձր է: Յուրաքանչյուր կայան տասը կմ շառավղով պաշտպանում է հողատարածքները՝ 80 տոկոս արդյունավետությամբ, մինչդեռ գազագեներատորային կայանների արդյունավետությունը մոտ 50 տոկոս է»,-նկատեց նա:
Փոխնախարարի խոսքով՝ եթե նշյալ պիլոտային ծրագիրը հաջողվի, կիրականացվի նաեւ այլ մարզերում:
Լուիզա ՍՈՒՔԻԱՍՅԱՆ
