ՀՀ փաստաբանների պալատում փաստաբան Տիգրան Եգորյանի դեմ «Ազատություն և հայրենիք» հիմնադրամի հոգաբարձուների խորհրդի անդամներ Թեհմինե Ենոքյանի և Արուսյակ Հայրապետյանի դիմումի հիման վրա հարուցված կարգապահական վարույթի քննությանն այսօր Տիգրան Եգորյանը ներկայացրեց իր գրավոր միջնորդությունները:
Հիշեցնենք, որ Ազատություն և հայրենիք» հիմնադրամի հոգաբարձուների խորհրդի անդամները փաստաբանին մեղադրում են Արթուր Սարգսյանին՝ «Հաց բերողին» ոչ պատշաճ իրավաբանական ծառայություններ տրամադրելու համար։
Տիգրան Եգորյանի միջնորդությունները վերաբերում էին որպես վկա հրավիրել փաստաբաններ Մարտուն Փանոսյանին, Հարություն Հարությունյանին և Հրանտ Անանյանին՝ հիմք ընդունելով քաղաքացիական ակտիվիստ Անի Կաղինյանի՝ խորհրդին ներկայացրած բացատրությունը, որում ակտիվիստը հայտնել է, որ Փաստաբանների պալատ Եգորյանի դեմ ներկայացված հիմնադրամի խորհրդի անդամների դիմումը կոնկրետ հետապնդում է փաստաբանի նկատմամբ:
Փաստաբանների պալատի խորհուրդը արդեն ավելի քան երկու ժամ է շարունակում է կարգապահական վարույթի քննությունը, իսկ որոշումը պետք է կայացնի մինչև հոկտեմբերի 20-ը:
Արփինե ՍԻՄՈՆՅԱՆ