Ռուսաստանյան «Ազատական առաքելություն» («Либеральная миссия») հիմնադրամը հրատարակել է «Լեւոն Տեր-Պետրոսյանը ռուսական մամուլում» գիրքը (Левон Тер-Петросян в российской прессе, «Либеральная миссия», Москва, 2018, 408 էջ)։ Այն կազմել եւ առաջաբանով ու ծանոթագրություններով օժտել է անկախ լրագրող Դավիթ Պետրոսյանը։ Խմբագիր՝ Ավետիս Ավագյան։ Ժողովածուն նվիրված է Բորիս Ելցինի եւ Եգոր Գայդարի հիշատակին։ Ստորեւ հրատարակում ենք Դավիթ Պետրոսյանի առաջաբանի հայերեն թարգմանությունը։
Ընթերցողի ուշադրությանը ներկայացվող սույն ժողովածուն, որը կազմված լինելով Հայաստանի Առաջին նախագահ Լեւոն Տեր-Պետրոսյանի 70-ամյա հոբելյանի առթիվ, սակայն տեխնիկական պատճառներով հրատարակվելով որոշ ուշացումով, ընդգրկում է նրա ելույթներն ու հարցազրույցները, նաեւ հոդվածներ նրա մասին եւ մի շարք այլ նյութեր՝ կապված նրա հասարակական-քաղաքական եւ գիտական գործունեության հետ:
Նյութերը ներկայացված են ժամանակագրական կարգով եւ բովանդակային իմաստով պայմանականորեն կարող են դասակարգվել մի քանի թեմատիկ բաժինների, որոնք են՝
— նրա իշխանության սկզբնական ժամանակաշրջանը (1990–1991 թթ.). այստեղ ընդգրկված են Տեր-Պետրոսյանի՝ Հայաստանի Հանրապետության Գերագույն խորհրդի նախագահ եղած շրջանի նյութերը.
— 1992–1995 թթ.՝ Հայաստանի անկախություն ձեռքբերելուց հետո առաջին փուլը, որը ներառում է Լեռնային Ղարաբաղի հակամարտության, էներգետիկ ճգնաժամի եւ հաղորդակցության ուղիների շրջափակման, տնտեսական եւ քաղաքական բարեփոխումների առավել սուր շրջանը.
— 1996–1998 թթ.՝ նախագահական երկրորդ ժամկետը եւ Լեւոն Տեր-Պետրոսյանի հրաժարականին հանգեցրած պատճառներն ու շարժառիթները.
— վերադարձ ակտիվ քաղաքական կյանք (սկսած 2007 թվականից՝ մինչ օրս):
Դավիթ Պետրոսյան
Անկախ լրագրող
Նյութի մանրամասները կարդացեք ilur.am–ի կայքում
