Լեռ Գրիգորյանն այն ազատամարտիկներից է, որն Արցախյան պատերազմի տարիներին նույնիսկ չափահաս չի եղել: Դպրոցն ավարտելուց հետո՝ 17 տարեկանում, դասընկերների հետ առաջին անգամ մեկնում է Իջևան, ինչպես ինքն է նշում՝ ռազմական մկրտություն ստանում և այդ օրվանից, մյուս երիտասարդների հետ, լծվում հայրենիքի պաշտպանության գործին:
Մեր ազատամարտին մասնակցած յուրաքանչյուրն Օմարի կռիվների մասին միշտ այլ ոգևորությամբ, հուզմունքով ու անհանգստությամբ է հիշում:
«Մերոնք»-ի այս թողարկման մեր հյուրը՝ Լեռ Գրիգորյանը, նույնպես ծանր վիրավորվել է հենց այդ տարածքի պաշտպանական մարտերի ընթացքում:
Եռաբլուրում խնդրեց, որ մեր հարցազրույցն անցկացնենք իր մարտական ընկեր Տամերլանի շիրմաքարի մոտ: Վերջինը ազգությամբ հայ չի եղել, սակայն մինչև վերջին շունչն արիաբար պայքարել է և իր համարձակ որոշմամբ ու քայլով վճռական նշանակություն ունեցել կռվի հաղթական ելքի գործում: Լեռ Գրիգորյանը պատմեց, որ Տամերլանը պատահաբար էր հայտնվել մեր կռվում, սակայն գիտակցաբար զոհվել՝ փրկելով իրենց կյանքը:
Թեմայի մանրամասները, ինչպես նաև՝ հայաստանյան ներքաղաքական կյանքում տեղի ունեցող փոփոխությունների, ԵԿՄ-ի և որոշ ազատամարտիկների շուրջ բարձրացած աղմուկի ու աղմկահարույց բացահայտումների մասին՝ առաջարկվող տեսանյութում:
Սուրեն ՍԱՐԳՍՅԱՆ
