Այսօր Երեւանի ընդհանուր իրավասության դատարանում՝ Շենգավիթ նստավայրում «Սասնա ծռերի» գործով դատական նիստն էր: Պավլիկ Մանուկյանը նիստին եկավ հուզված, մի քանի վայրկյան որդու՝ Արամ Մանուկյանի հետ հայացքներով փոխանակվեցին ու սրբեցին արցունքները: «Սասնա ծռերի» գործով ամբաստանյալ Արայիկ Խանդոյանի անժամանակ մահը հուզել էր նրանց:
Դատավոր Մակյանը ցավակցություն հայտնեց Խանդոյանի հարազատներին ու ընկերներին, ասաց, որ այսօր դատական նիստը հետաձգվում է, քանի որ ամբաստանյալներից ոմանք Արայիկ Խանդոյանի հետ կապված հարցեր ունեն, բայց ուզում են անպայման ներկա լինել նիստին:
Պավլիկ Մանուկյանը չէր կարողանում զսպել արցունքները, թաշկինակը ձեռքին էր: Մեզ հետ զրույցում Արամ Մանուկյանն ասաց, որ դժվարանում է հիմա խոսել. «Հերոս ենք կորցրել»:
Հռիփսիմե ՋԵԲԵՋՅԱՆ
