Ռոսինիի «Սեւիլյան սափրիչը» կատակերգական օպերան արդեն իրականություն է՝ Հայաստանի ազգային ֆիլհարմոնիկ նվագախմբի (գեղարվեստական ղեկավար եւ գլխավոր դիրիժոր՝ Էդուարդ Թոփչյան), շքեղ ձայների (Լիպարիտ Ավետիսյան, Աննա Կասյան, Եվգենի Ստավինսկի, Ջանպիերո Ռուջերի, Վազգեն Գազարյան, Ալինա Փահլեւանյան, Կիմ Սարգսյան, Աղասի Մելքոնյան), «Հովեր» պետական կամերային երգչախմբի արական կազմի (գեղ ղեկավար եւ խմբավար Սոնա Հովհաննիսյան) եւ մյուսների ջանքերի արդյունքում:
Բեմադրիչը Սուրեն Շահիջանյանն է, բեմի ձեւավորումը եւ հագուստները՝ Թառլոյան եղբայրներինը:
Գունեղ եւ ինտրիգային օպերայի պրեմիերան «Արամ Խաչատրյան» համերգասրահում մարտի 3-ին էր, այն նաեւ մարտի 5-ին հնարավոր կլինի վայելել:
Մենակատարների արտիստիզմն ու տպավորիչ կատարումներն ուղղակի հիացնում էին, բոլորն էլ առանձնահատուկ փայլով ներկայացան: Մասնավորապես տենոր Լիպարիտ Ավետիսյանի ( Կոմս Ալմավիվա) եւ սոպրանո Աննա Կասյանի (Ռոզինա) ներակայությունն այլ էներգիա էր հաղորդում հանդիսականին:
Հավելենք, որ «Սեւիլյան սափրիչը» Հայաստանում վերջին անգամ հնչել է 2005-ին:
Գոհար ՀԱԿՈԲՅԱՆ
