Երեւանի ընդհանուր իրավասության դատարանի առաջ` Տիգրան Մեծի պողոտայում, տեւական ժամանակ հրմշտոց տեղի ունեցավ «Սպայկա» ընկերության աշխատակիցների եւ ոստիկանների միջեւ։ Աշխատակիցները խոչընդոտեցին տեղաշարժն այն մեքենայի, որում կալանավայր պետք է տեղափոխվեր ընկերության կալանավորված տնօրեն Դավիթ Ղազարյանը։
Հիշեցնենք, որ ըստ ՊԵԿ-ի` ընկերությունը հարկային պարտավորությունները պատշաճ չի կատարել, տնօրենի դեմ քրեական գործ է հարուցվել։
Աշխատակիցները պառկեցին մեքենայի առաջ, ոստիկանները փորձեցին հեռացնել նրանց, սակայն հրմշտոց տեղի ունեցավ, իրավապահներից եւ քաղաքացիներից ոմանց ինքնազգացողությունը վատացավ։ Ի վերջո, մեքենան հեռացավ Տիգրան Մեծի պողոտայից։
«Սպայկա»-ի զարգացման գծով տնօրեն Կարեն Բաղդասարյանը հայտարարեց, որ ոստիկանները բերման են ենթարկել որոշ աշխատակիցների, սակայն վստահեցրել են, որ նրանց շուտով բաց կթողնեն։
Կարդացեք նաև
Հարյուրավոր աշխատակիցներ շարունակում են բողոքի ցույցը։ Դատարանի առաջ կայանվել է «Սպայկա»-ի բեռնատարը։
Այլ մանրամասները տեսանյութում
"Մենք ծախված չենք, այլ թասիբով մարդիկ". Սպայկա-ի աշխատողների եւ ոստիկանների միջեւ հրմշտոց եղավ
Gepostet von Aravot am Montag, 8. April 2019
Լուիզա ՍՈՒՔԻԱՍՅԱՆ
