«Չիջնենք լեզվակռվի մակարդակի: Փաստը հետեւյալն է, որ ցանկացած հիմնարկում, գիտական կենտրոնում ժամանակ առ ժամանակ անհրաժեշտություն է առաջանում կառուցվածքային փոփոխությունների կամ ներքին վերադասավորումների: Հիմա իմ ձեռքին է մեկուկես տարի առաջ գրված իմ ծրագիրը, որի առաջին ենթաբաժինը վերաբերվում է կառուցվածքային փոփոխություններին»,- իր ասուլիսում ասաց Մատենադարանի տնօրեն Վահան Տեր-Ղեւոնդյանը` պատասխանելով լրագրողներից մեկի այն հարցին, արդյոք վրեժխնդրություն է իրականացրել Արծրունի Սահակյանի հանդեպ` օպտիմալացնելով նրա ղեկավարած բաժինը:
«Ամբողջ կառուցվածքային փոփոխությունների մեջ այդ խմբի հարցը 1/8-րդ մասն է կազմում: 2 հետազոտական խմբեր կային, որոնք տարրալուծվել են, բայց ոչ այդ մարդիկ են աշխատանք կորցրել, ոչ էլ գիտական թեման է ընդհատվել, նույնիսկ ֆինանսապես չեն տուժել»,-ընդգծեց Վահան Տեր-Ղեւոնդյանը: Նրա ձեւակերպմամբ, նշյալ խմբերի գնալը այլ բաժիններ պայմանավորված է գիտական անհրաժեշտությամբ:
Գոհար ՀԱԿՈԲՅԱՆ
