«Զինված խումբ էր, թե զինված խումբ չէր, քննիչն այդպիսի որոշում է կայացրել, մտել է դատարան, սանկցիա է վերցրել եւ կատարվել է քննչական գործողություն»,-այսօր կառավարության նիստից հետո ասաց ՊԵԿ ղեկավար Դավիթ Անանյանը՝ պատասխանելով հարցին, որ ՊԵԿ աշխատակիցները 40-50 հոգով, զինված գնացել են «Առինջ մոլում» ստուգումների: Ըստ պարոն Անանյանի, քննչական գործողությունը կատարելու համար մասնագետները գնահատել են՝ պետք է 4 հոգի, 40 հոգի, թե 140 հոգի. «Եթե որոշում կայացներ, որ հազար հոգի է պետք, մենք այդ 1000 տեսուչն ունեինք տրամադրելու համար»:
Անանյանի խոսքի մանրամասները՝ տեսանյութում
«Առինջ մոլում» ստուգումները պլանավորված չեն եղել եւ ոչ էլ ժամանակացույցով նախատեսված, այլ՝ քննիչի որոշումով, մեր հարցին ի պատասխան հստակեցրեց պարոն Անանյանը: Հետաքրքրվեցինք՝ ՊԵԿ-ն ինչ որ ինֆորմացիա՞ է ստացել, Դավիթ Անանյանն ի պատասխան ասաց՝ այո.«Օպերատիվ գործողություններ են կատարվել վերջին 7 ամիսների ընթացքում, այդ թվում ոչ միայն մեր օպերատիվ ծառայողների, այլեւ այլ ուժային կառույցների օպերատիվ գործողությունների արդյունքում տեղեկատվությունը մշակվել է եւ այդ մշակված տեղեկատվության հիման վրա քննիչը միջնորդությամբ մտել է դատարան, դատարանը խուզարկություն կատարելու միջնորդությունը բավարարել է: Խիստ իրավական գործընթաց է»:
Կարդացեք նաև
Լուսինե ԲՈՒԴԱՂՅԱՆ
