«Որեւէ մեսիջ չի եղել, Ղարաբաղում պետք է տեղի ունենան ժողովրդավարական թափանցիկ ընտրություններ, որոնց ընթացքում պետք է բացառվի բռնությունը եւ օրենքից դուրս ցանկացած քայլ»,-այս մասին այսօր Արցախում լրագրողների հետ հանդիպմանն ասաց «Ազատ հայրենիք» կուսակցության նախագահ, Արցախի նախկին վարչապետ Արայիկ Հարությունյանը՝ պատասխանելով հարցին՝ ՀՀ իշխանությունը միշտ ունեցել է իր թեկնածուն Արցախում, ով այսօրվա իշխանության նախընտրած թեկնածուն, արդյոք հասկանալի է «մեսիջը»:
Հարությունյանը հայտարարեց. «Թույլ չենք տալու Արցախում որեւէ սպառնալիք կամ հակաիշխանական ուժեր ձեւավորվեն Հայաստանի ժողովրդի ընտրած իշխանության դեմ ։ Սրանից ավել ի՞նչ պետք է ասենք: Մենք չենք կարող թույլ տալ, որ Հայաստանի իշխանությունների դեմ շարժում կամ քայլ արվի, ժողովուրդը դա թույլ չի տա, որովհետեւ մենք մի ժողովուրդ ենք, քույրեր ու եղբայրներ ենք»:
Հարությունյանն ասաց՝ Արցախում լինելու են ընտրություններ եւ Հայաստանը պետք է հարգի.«Կա պայմանավորվածություն, մենք ունենք ընդհանուր օրակարգ, միասնական նպատակներ»:
Պատրաստեց՝ Նելլի ԲԱԲԱՅԱՆԸ
