Կրթության, գիտության, մշակույթի եւ սպորտի նախարար Արայիկ Հարությունյանը այսօր կառավարության նիստից հետո լրագրողների հետ զրույցում անդրադառնալով Տնտեսագիտական համալսարանում ստեղծված իրավիճակին, ասաց, որ հետեւողական են եւ չեն թողնի, որպեսզի խնդիրները դուրս գան օրենքի եւ իրավունքի դաշտից:
Խոսելով դասագրքերի խնդրից՝ նշեց, որ դասագրքերը հրատարակվել են երկու փուլով։ Իսկ այս պահին քննարկվում է Հայոց պատմություն դասագրքի բովանդակությունը. «Շատ բարդ քննարկումներ են, հանձնաժողովը չի կարողանում եզրակացության գա, որոշ մասնագետներ 180 աստիճանով այլ բաներ են գրում այդ նյութերում։ Հիմա քննարկվում է»:
Ըստ նրա, վիճելի հարցերը կապված են եւ Մարտի մեկի իրադարձությունների, եւ ընտրությունների, եւ քաղաքական գնահատականների հետ:
Լրագրողները հետաքրքրվեցին՝ այսինքն՝ դասագրքերում պատմությունն այլ կերպ է ներկայացվել, Արայիկ Հարությունյանը պատասխանեց. «Այո, կա այդպիսի խնդիր, եւ ես առայժմ թույլ չեմ տվել պատմության դասագրքերի տպագրությունը, քանի դեռ հանձնաժողովը չի եկել որոշակի եզրակացության»:
Կարդացեք նաև
Լուսինե ԲՈՒԴԱՂՅԱՆ
