«Ցանկալի չէր, որ ՀՀ-ում նման հոդվածներով նախաքննություն տեղի ունենար»,-լրագրողների հետ զրույցում այսօր անդրադառնալով Մարտի 1-ի գործի վերաբերյալ BBC-ի հայտնի հոդվածին, ասաց «Երկիր Ծիրանի» կուսակցության ղեկավար, նախկին պատգամավոր Զարուհի Փոստանջյանը:
«Այդ գործը չպետք է քններ Հատուկ քննչական ծառայությունը: Եթե իրապես ուզում ենք, որ բազմակողմանի քննություն տեղի ունենար, գործը պետք է քններ անկախ մարմին: Իսկ ՀՔԾ-ն կողմ է հանդիսանում: Նիկոլ Փաշինյանը Մարտի 1-ի գործի կողմերից է, նա առանձին միավոր չէ, ուստի այդ կողմը չի կարող լինել արդար եւ օբյեկտիվ: Մենք դա արդեն տեսանք»,-համոզմունք հայտնեց Զարուհի Փոստանջյանը:
Նրա խոսքով՝ ինչպես Սերժ Սարգսյանի իշխանության ժամանակ, այնպես էլ հիմա Մարտի 1-ի գործը «քնած» է. «Որեւէ մեկին սպանության համար մեղադրանք չի առաջադրվել: Ցավում եմ, որ բացահայտման փոխարեն մաքուր քաղաքական գործընթաց է տեղի ունենում»:
Կարդացեք նաև
Լուիզա ՍՈՒՔԻԱՍՅԱՆ
