Յուգրայի Ինքնավար Հանրապետության մայրաքաղաք Խանտի-Մանսիյսկում այսօր մեկնարկում է 2019 թվականի ՖԻԴԵ-ի աշխարհի գավաթի խաղարկությունը: 46 երկրների 128 մասնակիցներն արդեն ժամանել են մրցավայր:
Նրանք մրցելու են օլիմպիական մրցակարգով՝ պարտվողը լքում է պայքարը: Յուրաքանչյուր շրջանում շախմատիստները խաղալու են երկու դասական պարտիա, իսկ եզրափակչում՝ չորս: Հավասարության դեպքում կազմակերպվում է թայ-բրեք՝ երկու պարտիա 25 րոպե+10 վայրկյան, անհրաժեշտության դեպքում՝ եւս երկու պարտիա 10 րոպե+10 վայրկյան, երկու բլից պարտիա՝ 5 րոպե+3 վայրկյան եւ վերջում՝ «արմագեդոն»:
Աշխարհի գավաթի խաղարկությանը մասնակցում է վեց հայ գրոսմայստեր, 4-ը ներկայացնում է Հայաստանը, 1-ական՝ ԱՄՆ-ը եւ Բրազիլիան: Հայաստանի դրոշի ներքո հանդես գալու են Լեւոն Արոնյանը, Սերգեյ Մովսեսյանը, Արման Փաշիկյանը եւ Ռոբերտ Հովհաննիսյանը, իսկ Սամուել Սեւյանը պաշտպանում է ԱՄՆ-ի մարզական դրոշի պատիվը, Գրիգոր Սեւագ Մխիթարյանը՝ Բրազիլիայի:
Արդեն կայացել է վիճակահանությունը: Մեր շախմատիստներն առաջին շրջանում կազմել են հետեւյալ զույգերը. Լեւոն Արոնյան-Էլ Ջինդի Էսսամ (Եգիպտոս), Դմիտրի Այդրեյկին (Ռուսաստան)-Գրիգոր Սեւագ Մխիթարյան (Բրազիլիա), Ալիռեզա Ֆիռուջա (Իրան)-Արման Փաշիկյան, Սամուել Սեւյան (ԱՄՆ)-Տարի Արյան (Նորվեգիա), Անտոն Դեմչենկո (Ռուսաստան)-Ռոբերտ Հովհաննիսյան, Սերգեյ Մովսեսյան-Գրիգորի Օպարին (Ռուսաստան):
Կարդացեք նաև
ՖԻԴԵ-ի աշխարհի գավաթի նախորդ խաղարկությունում, որ կայացել էր Վրաստանում, հաղթող էր դարձել հայկական շախմատի առաջատար Լեւոն Արոնյանը:
Աշոտ ՀԱԿՈԲՅԱՆ
«Առավոտ» օրաթերթ
10.09.2019
