Բրոկոլիի օգտակարության մասին գիտեն բոլորը: Այս ապուրն այն քիչ դեպքերից է, որ ոչ միայն օգտակար է, այլեւ շատ համեղ:
Անհրաժեշտ մթերքները
Բրոկոլի- 0,5 կգ
Սոխ-1 գլուխ
Կարդացեք նաև
Սխտոր-2 պճեղ
Թարխուն-5-6 ճյուղ
Ոչ աղի պիստակ – մի բուռ
Կարագ – 1 ճաշի գդալ
Ձիթապտղի յուղ- 2-3 ճաշի գդալ
Աղ եւ սեւ պղպեղ- ըստ ճաշակի
Պատրաստման եղանակը
Բրոկոլին լավ լվացեք: Ծաղկագլուխներն առանձնացրեք: Ցողունի հատվածները կեղեւահանեք: Բրոկոլիի առողջ տերեւները նույնպես լվացեք, դրանք էլ են օգտագործվում ապուրի համար: Սոխն ու սխտորը մաքրեք, լվացեք: Թարխունը լվացեք, տերեւներն առանձնացրեք ցողունից:
Կաթսայի մեջ 0,5-0,8 լ ջուր լցրեք, դրեք թող եռա, ավելացրեք երկու- երեք մասի բաժանած սոխը, սխտորը, բրոկոլիի կեղեւահան ցողունները:
Թողեք եփվի մոտ 10-15 րոպե, ապա ավելացրեք բրոկոլիի տերեւներն ու ծաղկագլուխները, թողեք եփվի եւս 10 րոպե, ապա ավելացրեք մաքրած պիստակը, թարխունի ճյուղերը, աղն ու պղպեղը, կարագը, կրակն անջատեք, եւ կաթսան լավ փակեք կափարիչով: Մոտ 5 րոպեից հարեք ձեռքի կոտորակիչով (բլենդերով), ավելացրեք ձիթապտղի յուղը ու մատուցեք:
Կարող եք մատուցել վրան 1 ճաշի գդալ թթվասեր ավելացրած:
Բարի ախորժակ:
Պատրաստեց Մելանյա ԲԱՐՍԵՂՅԱՆԸ
