Չնայած կողմերի միջև դիրքորոշումների տարբերությանը՝ ղարաբաղյան հարցում հնարավոր է փոխզիջման հասնել: Նման հայտարարություն է արել Ռուսաստանի ԱԳՆ պաշտոնական ներկայացուցիչ Մարիա Զախարովան այսօր տեղի ունեցած ճեպազրույցում:
«Ես չէի ասի, որ ինչ-որ ձև «արձանագրել ենք» կողմերի միջև հետագա երկխոսության անհնարինությունը: Ինձ թվում է կողմերն այդ մասին չեն էլ խոսել: Այն, որ դիրքորոշումները տարբեր են, ակնհայտ է, այլապես չէր լինի բանակցային գործընթաց»,- ասել է Զախարովան:
Նա նշել է, որ Ռուսաստանը՝ որպես միջնորդ երկիր, մշտապես կաջակցի երկխոսության շարունակությանը: «Կանենք ամեն բան, որպեսզի երկխոսությունը շարունակվի կառուցողական, և կողմերը կարողանան հասնել փոխադարձաբար ընդունելի որոշման»,- ասել է Զախարովան:
Նրա խոսքով՝ որոշ ոլորտներում արդեն եղել են երկխոսության օրինակներ:
Կարդացեք նաև
«Չնայած դիրքորոշումների տարբերությանը և ուրվագծված «կարմիր գծերին», եղել են երկխոսության և գործակցության օրինակներ այն ոլորտներում, որոնցում հաջողվել են հասնել փոխըմբռնման: Մասնավորապես, խոսքը լրագրողների խմբի փոխանակման մասին է, հիանալի օրինակ է: Միջնորդների դերն այստեղ կառուցողական էր»,- ասել է նա:
https://www.youtube.com/watch?v=A0t2e7lbGgY
Պատրաստեց՝ Վիկտորյա ԱՆԴՐԵԱՍՅԱՆԸ
