«Ucom» ընկերությունը դիմել է Հանրային ծառայությունները կարգավորող հանձնաժողով` «Վեոն Արմենիա» ընկերությունը (ապրանքանիշը «Բիլայն») գնելու նպատակով: Ինչպես տեղեկացնում է «Արմենպրես»-ը, այս տեղեկությունը հաստատեց ՀԾԿՀ մամուլի քարտուղար Լիանա Ազիզյանը:
«Հանձնաժողովը ստացել է գրություն, որով Ucom ընկերությունը խնդրել է համաձայնություն տալ գործարքին և այժմ այն գտնվում է ուսումնասիրության փուլում: Ըստ օրենքի` հանձնաժողովը պետք է համաձայնություն տա նշված գործարքին: Քանի որ գրությունը եղել է դեկտեմբերի 27-ի երեկոյան, գործընթացը ուսումնասիրության փուլում է»,- նշեց Ազիզյանը:
