«Հանրաքվեի իրականացումից հետո հնարավորություն կա, որպեսզի ԱԺ խմբակցությունները դիմեն ՍԴ եւ վիճարկեն հանրաքվեն, եթե հանրաքվեի կազմակերպման եւ իրականացման ընթացքում տեղի կունենան Սահմանադրության եւ օրենքների այնպիսի խախտումներ, որոնք ազդած կլինեն հանրաքվեի արդյունքի վրա: Կարծում եմ՝ բոլորի համար պարզ է, թե ինչպիսի խախտումներ են տեղի ունեցել՝ սկսած «ԱԺ կանոնակարգ» օրենքից, վերջացրած Սահմանադրության անփոփոխելի հոդվածներով»,-լրագրողների հետ ճեպազրույցում այսօր անդրադառնալով ապրիլի 5-ին սպասվող՝ ՍԴ նախագահ Հրայր Թովմասյանի եւ ՍԴ «հին կազմի» դատավորների պաշտոնավարման հարցով հանրաքվեին՝ ասաց ՀՀ Սահմանադրական դատարանի նախագահի խորհրդական Գրիգոր Մուրադյանը:
Ուղիղ։ բացառվում է, որ մինչեւ հանրաքվեն Հրայր Թովմասյանը հրաժարական տա. Գրիգոր Մուրադյան ՍԴ նախագահի խորհրդական
Կարդացեք նաև
Gepostet von Aravot am Freitag, 14. Februar 2020
Նա նշեց, որ հնարավոր է՝ ՍԴ գործող դատավորները հանրաքվեից հետո դիմեն Մարդու իրավունքների եվրոպական դատարան, քանի որ նրանց իրավունքները խախտվել են. «Իրենք պետք է որոշեն»:
Հարցին ի պատասխան՝ «եթե ՄԻԵԴ-ը փաստի ՍԴ դատավորների իրավունքների խախտումը, ի՞նչ ընթացակարգ է դրան հաջորդելու», Գրիգոր Մուրադյանը տեղեկացրեց. «Եթե ՄԻԵԴ վճիռը սահմանափակվի փոխհատուցմամբ, եւ պաշտոնի վերականգնման խնդիր չդրվի…Այնպես չէ, որ ՄԻԵԴ-ը հաստատ նման որոշում է կայացնելու, այդպիսի հավանականություն կա: Բայց հաշվի առնելով խախտումների կոպիտ բնույթն ու առանձնակի ցինիզմը, հնարավոր է՝ պաշտոնի վերականգնման որոշում էլ կայացնի, եւ ՀՀ այդ ժամանակվա իշխանությունը պարտավորված է լինելու վերականգնել նրանց պաշտոնում»:
Լուիզա ՍՈՒՔԻԱՍՅԱՆ
