ԲՀԿ առաջնորդ Գագիկ Ծառուկյանին այսօր ԱԺ-ում լրագրողները հարցրեցին՝ «Ոչ»-ի ճամբարը դիմել էր ձեզ՝ հանձնաժողովներում անդամներ ունենալու համար,, դուք չաջակցեցիք նրանց այդ հարցում, ձեր որոշումն ինչո՞վ էր պայմանավորված: Նա պատասխանեց. «Միայն դիմել է Նաիրա Զոհրաբյանին՝ առանց փաստաթղթի: Քանի որ քաղաքական որոշում է եղել, որ մենք չենք մասնակցում, անիմաստ էր դրան խառնվել: Բայց քանի որ մեր համակիրները ազատ են, իրենք ոնց կցանկանան: Քվեարկության օրը մեր համակիրներն ազատ են»:
Ծառուկյանն ասաց, որ ԲՀԿ-ն կողմ է եղել հանրաքվեի գաղափարին, ձեռք են մեկնել, պատրաստ էին իմքայլականների հետ աշխատել, բայց մնաց առանց արձագանքի, դրա համար որոշել են հիմա չմասնակցել որեւէ կերպ:
Լրագրողները նաեւ հետաքրքրվեցին արցախյան հիմնահարցից, Ալիեւի պնդումներից, թե պատմական Ադրբեջանի տարածքն ենք զբաղեցրել, Ծառուկյանն արձագանքեց. «Ալիեւին խորհրդականներն ու օգնականները ճիշտ տեղեկություն չեն տվել, համաշխարհային պատմություն պիտի կարդացած լինեին, որ հայերը հազարամյակների պատմություն ունեին, իսկ Ադրբեջանը՝ ընդհանուր առմամբ 100 տարվա պատմություն ունի… Երեւանի մասին խոսելով, 2800 տարեկան է Երեւանը՝ Ադրբեջանը գոյություն չունի ունեցել, այ ցավդ տանեմ: Դրա համար Ալիեւին խորհուրդ տվողները պիտի պատմություն կարդան, որ Ալիեւին այդպիսի վատ վիճակի մեջ չդնեն»:
Կարդացեք նաև
Հռիփսիմե ՋԵԲԵՋՅԱՆ
