«Մենք վաղուցվանից ենք փորձել բովանդակային առումով ներդրում ունենալ ՀՀ-ԵՄ համագործակցության օրակարգային հարցերում, սակայն թե Ասոցացման համաձայնագրի, թե ՀՀ-ԵՄ համապարփակ եւ ընդլայնված գործընկերության համաձայնագրի տեքստերը տեւական ժամանակ փակ էին, չէինք կարողանում ծանոթանալ, որպեսզի բովանդակային ու կոնստրուկտիվ լինենք»,- այսօր կազմակերպված միջոցառման ժամանակ ասաց «Թրանսփարենսի ինթերնեյշնլ» հակակոռուպցիոն կենտրոնի գործադիր տնօրեն Սոնա Այվազյանը։
Ինչպես արդեն տեղեկացրել ենք, ՀՀ-ԵՄ համապարփակ եւ ընդլայնված գործընկերության համաձայնագրի իրականացման գործընթացի վերաբերյալ մշտադիտարկում կիրականացնեն քաղհասարակության կազմակերպությունները: Ծրագիրն իրականացնում է Բաց հասարակության հիմնադրամներ-Հայաստանը`Վրաստանում եւ Հայաստանում Նիդերլանդների թագավորության դեսպանության աջակցությամբ:
Բարեփոխումների գործընթացում Սոնա Այվազյանի համար կարեւոր է ոչ միայն արդյունքը, այլ դրա որակը: Ըստ բանախոսի, ՀՀ-ԵՄ համապարփակ եւ ընդլայնված գործընկերության համաձայնագրի տեքստում հակակոռուպցիոն եւ կառավարման թափանցիկության տեսանկյունից ներառված են խիստ ընդհանրական մոտեցումներ: Դա, իր կարծիքով, նախորդ իշխանության՝ կոռուպցիայի դեմ պայքարելու ցանկության բացակայությամբ էր պայմանավորված: Բայց այժմ այլ իրականության մեջ ենք ապրում:
Այլ մանրամասները`տեսանյութում
Կարդացեք նաև
Նելլի ԳՐԻԳՈՐՅԱՆ
