«Արցախցիները միշտ կազմակերպված ներկայանում են բոլոր ընտրություններին, և միշտ ընտրությունների մասնակցությունը բարձր տոկոս է լինում։ Միշտ 70 տոկոսից բարձր է լինում։ Այս անգամ էլ, ինչպես պարզվեց, էլի 70-ից բարձր է։ Ես սա միշտ բացատրում եմ այն հանգամանքով, որ արցախցիները պետականամետ մտածողություն ունեն։ Ընտրախախտումները աննշան են եղել։ Բացառիկ մի քանի դեպքերը բնական եմ համարում բոլոր պետությունների համար։ Ընդհանուր առմամբ հաշվի առնելով նաև կորոնավիրուս համաճարակի վտանգը, անվտանգության սանիտարական կանոնները պահպանված են եղել։ Լավ կազմակերպված է եղել»,- բացատրեց նա։
Բելլա Լալայանը հավելեց, որ քարոզարշավի առաջին երկու շաբաթների ընթացքում մտածել է, որ ընտրությունների երկրորդ փուլ կլինի, սակայն վերջին օրերին հասկացել է, որ շատ հավանական է, որ մեկ փուլով ավարտվի. «Հասկանալի է, որ ֆավորիտներից մեկը Արայիկ Հարությունյանն է, Վիտալի Բալասանյանը։ Հիմնականում, երևի պայքարը իրենց միջև ընթանա։ Բայց ըստ դիտարկումների, որ նախնական տվյալները արդեն հրապարակում են, Արայիկ Հարությունյանը կարծես, թե առաջ է»։
Բելլա Լալայանը վստահված անձ ընդհանրապես չի ունեցել. «Ես համարել եմ, որ դրա կարիքը չկա՝ համոզված լինելով, որ խախտումներ չեն լինելու։ Այսինքն՝ պարտադիր չէ, որ ես այնտեղ վստահված անձ ունենամ, որ խախտում չլինի։ Այսպես, թե այնպես այդ խախտումները չէին լինելու և չեն եղել»։
Ամի ՉԻՉԱԿՅԱՆ
