Մի տնից չենք՝ մի օրի ենք:
Հենց այս պատգամն էլ առաջնորդում և ոգևորում է մեզ, մենք բոլորս հավասար ենք և բոլորիս առաքելությունն այժմ մեկն է: Եվ կարևոր չէ, թե ինչ լեզվով կամ լեզվի որ մի բարբառով ենք մենք խոսում, կարևորը մեր ընկալումն ու միասնական վարքագիծն է իրադարձային ու որոշիչ պահերին: Այժմ մենք տանն ենք և կոչ ենք անում բոլորին կիսել տանը մնալու իրենց տեսակետը:
Հիմա ճիշտ ժամանակն է սովորել հեռավար աշխատանքն ու տեխնոլոգինաների միջոցով ժամանակն ու ռեսուրսները խնայելու և ապագայում ավելի հեշտ ու արդյունավետ ապրելու բանաձևը մշակելու համար: Ահա լավագույն առիթը ինչ-որ բան սովորելու, ընտանիքի անդամների հետ ավելի ջերմ մթնոլորտում հաղորդակցվելու և հանրային առողջությանը չվնասելու համար:
Մնա տանը և կարդա, մնա տանը և սովորիր, մնա տանը և սովորեցրու, մնա տանը և կիսվիր տանը լինելու հաջողության քո գրավականով, մնա տանը՝ էներգիայով լի ու սպասումով, որ վաղն ավելի լավ է լինելու, քան երեկ և յուրաքանչյուր անգամ տանը մնալու կոչը մեզ կբերի մոտալուտ հաղթանակ և ազատություն ամենուր: Հիմա մենք՝ բոլորս ավելի ենք կարևորում և գնահատում ազատությունը հանուն որի պիտի կայացնենք միասնական որոշում՝ մնալով տանը:
Կարդացեք նաև
Հանրային լրագրության ակումբը իրականացնում է #Մնա_տանը նախաձեռնությունը և կիսվում է արշավի լեզվական և բարբառային բազմազանության ամենատարբեր ձևերով: Այս ծրագիրն իրականացվում է Բաց հասարակության հիմնադրամներ-Հայաստանի աջակցությամբ:
Մնա տանը, կիսիր երջանկությունը բոլորի հետ:
ՀԱՆՐԱՅԻՆ ԼՐԱԳՐՈՒԹՅԱՆ ԱԿՈՒՄԲԻ ՄԱՄՈՒԼԻ ՀԱՂՈՐԴԱԳՐՈՒԹՅՈՒՆ
