Լրահոս
Օրվա լրահոսը

«Ցեղասպանության թանգարանի փակ ֆոնդերից որոշ նյութեր կորել են». ԿԳՄՍ նախարար

Մայիս 27,2020 18:30

«Հայոց ցեղասպանության թանգարան ինստիտուտի նոր տնօրենի առաջարկով՝ հիմնական ֆոնդերում եղած գրքերը, մամուլը, նյութերը պետք է հանվեն եւ տեղավորվեն ստեղծվելիք գրադարանում, սակայն այդ նյութերն այդ դեպքում կարող են դուրս բերվել թանգարանից»,-ԱԺ-կառավարություն հարցուպատասխանի ժամանակ այսօր ասաց «Լուսավոր Հայաստանի» պատգամավոր Աննա Կոստանյանը՝ մատնանշելով ցեղասպանության թանգարան ինստիտուտի կարեւորությունը եւ նշյալ փոփոխության արդյունքում այդ նյութերի պահպանման անվտանգությունը:

ԿԳՄՍ նախարար Արայիկ Հարությունյանը պատասխանեց. «Վստահեցնում եմ, որ այդ նյութերի կորստի որևէ վտանգ չկա, թեեւ այս հարցը քաղաքական շահարկման հարց է դարձել: Շահարկողների թվում ձեզ նկատի չունեմ, դուք գիտեք, թե որ շրջանակների մասին է խոսքը: Գրադարանի ստեղծման արդյունքում այդ նյութերը հասանելի կլինեն հետազոտողներին: Ասեմ, որ նախկինում, երբ ֆոնդերը փակ էին, որոշ նյութեր կորել են, կամ այս պահին դրանց մասին տեղեկությունը չի գտնվում: Ուստի եթե որեւէ բան կորի, ապա դա կարող է լինել թե բաց, թե փակ ֆոնդի դեպքում: Ամեն դեպքում, մենք ապահովելու ենք այդ ֆոնդերի անվտանգությունը»:

Լուիզա ՍՈՒՔԻԱՍՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մայիս 2020
Երկ Երե Չոր Հնգ Ուրբ Շաբ Կիր
« Ապր   Հուն »
 123
45678910
11121314151617
18192021222324
25262728293031