Քիչ առաջ «Սասնա ծռեր» խմբավորման կողմից ՊՊԾ գնդի գրավման գործով հուլիսի 1-ի նիստին նախագահող դատավոր Մեսրոպ Մակյանը Արմեն Բիլյանի նկատմամբ կիրառեց դատական սանկցիա:
Նախագահող դատավորը, տեսնելով, որ մեղադրող դատախազը գրիչով խաղում է, նրան դիմեց. «Մի հատ Ձեր գրիչը կտա՞ք բան գրեմ, պարոն Պետրոսյան»: Այնուհետև նա ձեռքի շարժումներով ցույց տվեց, որ դատախազն անընդհատ գրիչը «ճտտացնում է»: Դատախազը չլսելով, թե նախագահող դատավորն ինչ է ասում, հարցրեց՝ ինչ անե՞մ:
Այս առիթով ամբաստանյալ Արմեն Բիլյանը իր տեղից հայտարարեց. «Ի՞նչ: Ճտիկով գրիչ»:
Դատախազն այս առիթով հայտարարեց՝ էդ ո՞ւմ էր վերաբերվում: Արմեն Բիլյանը պատասխանեց. «Ճտիկով գրիչին»:
Կարդացեք նաև
Այս ամենից հետո նախագահող դատավորը սանկցիա կիրառեց Արմեն Բիլյանի նկատմամբ՝ հինգ ժամով հեռացնելով դատական նիստերի դահլիճից: Արմեն Բիլյանը հետաքրքրվեց՝ ինչի՞ համար, նախագահող դատավորը պատասխանեց. «Դուք լավ գիտեք՝ ինչի համար. դատավարության մասնակցի նկատմամբ անհարգալից վերաբերմունք դրսևորվելու համար: Դուրս եկեք դատական նիստերի դահլիճից: Դատարանը պարտավոր չէ Ձեր վարքագիծը տասնյակ նիստեր յոլա տանել»:
Այնուհետև դատական նիստն ընդմիջվեց:
Տաթև ՀԱՐՈՒԹՅՈՒՆՅԱՆ
