Տավուշի մարզի սահմանամերձ Մովսես համայնք այցի ժամանակ վարչապետ Նիկոլ Փաշինյանն այսօր արձանագրեց, որ գյուղամիջյան ճանապարհն ասֆալտապատվում է: Տեղացիները չէին էլ հիշում, թե վերջին անգամ երբ են ասֆալտապատ ճանապարհ տեսել:
«Մի հարյուր տարի առաջ էր»,-կես կատակով ասում էին նրանք:
«Այս ճանապարհի ասֆալտապատման մասին խոսել ենք դեռեւս 2918թ.-ից: Եթե համայնքը խոշորացված չլիներ, նման չափով մասնակցություն չէր ունենա այդ ծրագրին: Մովսես գյուղի եւ Աբովյան փողոցի ճանապարհների միջեւ տարբերություն չպետք է լինի, դա մեր ընկալումն է: Մովսեսում ապրողի եւ Աբովյան փողոցում ապրողի զգացողության միջեւ տարբերություն չպետք է լինի: 300 տարվա պատմություն ունեցող գյուղում առաջին անգամ է ասֆալտ արվում»,-հայտարարեց Նիկոլ Փաշինյանը:
Հիշեցնենք, որ վարչապետն այսօր այցելել էր նաեւ Տավուշի մարզի սահմանամերձ Չինարի համայնք:
Կարդացեք նաև
Մովսես համայնքի Սբ. Աստվածածին եկեղեցու բակում տեղի բնակիչների հետ զրույցի ժամանակ խոսեցինք գյուղում ընթացող ճանապարհաշինարարական աշխատանքների մասին: 300 տարվա պատմություն ունեցող գյուղն առաջին անգամ է, որ ունի ասֆալտապատ ճանապարհ: Եվ սա միայն հարկեր վճարող, պատասխանատու քաղաքացիների շնորհիվ է:Մովսեսում քաղաքացիների հետ զրույցում ասել եմ՝ մեր նպատակն է՝ Երևանի Աբովյան փողոցից ու Հանրապետության Հրապարակից մինչեւ Մովսես ունենալ նույն որակի ճանապարհներ:
Gepostet von Nikol Pashinyan / Նիկոլ Փաշինյան am Montag, 7. September 2020
Լուիզա ՍՈՒՔԻԱՍՅԱՆ