Այսօր կառավարության շենքի մոտ շարունակում են հացադուլը ՌԴ մեկնել ցանկացող ՀՀ քաղաքացիները, որոնք համավարակի պատճառով հնարավորություն չունեն մեկնել արտագնա աշխատանքի:
Նրանք երեկ հանդիպել էին վարչապետ Նիկոլ Փաշինյանին: Ըստ հացադուլի մասնակիցների, վարչապետը խոստացել է փորձել ինչ-որ լուծումներ գտնել գոնե այս 200 հոգու համար, որոնք փողոցում են:
Այսօր բողոքի ցույցի մասնակիցներն ասացին, որ հացադուլը շարունակելու են այնքան, մինչեւ վարչապետի խոստումը չկատարվի. «Կմնանք այնքան ժամանակ, մինչեւ մեզ ասեն՝ այդ 200 հոգու հարցը լուծված է եւ այդ պահին մենք հացադուլը կդադարեցնենք»:
Հիշեցնենք, արդեն մի քանի ամիս է բազմաթիվ քաղաքացիներ «Хочу в Россию» պաստառներով բողոքի ցույց են անում կառավարության եւ Ազգային ժողովի շենքերի մոտ: Նրանք ՌԴ քաղաքացի չեն, սակայն այնտեղ մեկնում էին սեզոնային աշխատանքի, իսկ կորոնավիրուսի համավարակի պատճառով ՌԴ-ն օտարերկրացիների մուտքը սահմանափակել է իր երկիր: ՀՀ քաղաքացիներն էլ Հայաստանի կառավարությունից խնդրում են միջոցներ ձեռնարկել, որ կարողանան մեկնել Ռուսաստան: Այս քաղաքացիները պնդում են, որ Հայաստանում աշխատանք ու ապրելու միջոց չունեն:
Կարդացեք նաև
Նելլի ԲԱԲԱՅԱՆ
