«Վերջին մեկ շաբաթում Լեռնային Ղարաբաղի հակամարտության գոտում իրավիճակը շարունակում է մնալ լարված։ Շփման գծի ողջ երկայնքով նկատվել են փոխադարձ կրակոցներ, թիրախավորվել են նաեւ քաղաքացիական օբյեկտներ»,-այս մասին այսօր –ճեպազրույցում ասաց ՌԴ ԱԳՆ խոսնակ Մարիա Զախարովան։ Նա հայտարարեց․ «Մենք կողմերին կոչ ենք անում ցուցաբերել ծայրահեղ զսպվածություն, խուսափել քաղաքացիական օբյեկտներին հարվածելուց, թույլ չտալ արտաքին ուժերի միջամտություն»։
ՌԴ ԱԳՆ խոսնակը նաեւ նշեց, որ անհրաժեշտ է գործնական քայլեր ձեռնարկել, որ դադարեցվեն մարտական գործողությունները, թուլացվի լարվածությունն ու հիմնարար սկզբունքների հիման վերականգնվի բանակցային գործընթացը՝ խաղաղ կարգավորման հասնելու նպատակով։
Զախարովան հիշեցրեց նոյեմբերի 1-ին եւ 2-ն ՌԴ նախագահի՝ Հայաստանի եւ Ադրբեջանի ղեկավարների հետ, իր խոսքերով ասած՝ կարծիքների ակտիվ փոխանակումը, ինչպես նաեւ հիշեցրեց, որ ՌԴ ԱԳ ղեկավար Սերգեյ Լավրովն իր միջազգային գործընկերների հետ անդրադարձել է ղարաբաղյան հակամարտության գոտում տիրող իրավիճակին։
«Ժնեւում Հայաստանի եւ Ադրբեջանի ղեկավարների հանդիպումը հերթական փորձն էր՝ գտնել ուղիներ այս դրամատիկ իրավիճակից շուտափույթ դուրս գալու։ Մինչ այդ, խորհրդակցություններ էին տեղի ունեցել Կարմի Խաչի միջազգային կոմիտեի եւ փախստականների գործով ՄԱԿ-ի գլխավոր հանձնակատարի միջեւ։ Ինչպես նաեւ խաղաղության հաստատմանն ուղղված ջանքեր են դրսեւորել ԵԱՀԿ Մինսկի խմբի համանախագահները Վիեննայում»։
Կարդացեք նաև
Պատրաստեց՝ Նելլի ԲԱԲԱՅԱՆԸ
