Հայաստանի վարչապետի այսօրվա հայտարարություններում որևէ հստակություն չի եղել, ճեպազրույցում հայտարարել է ՌԴ ԱԳՆ ներկայացուցիչ Մարիա Զախարովան:
Նրա խոսքով՝ թեև ԵԱՏՄ 4 երկրների ղեկավարների մայիսի 29-ի հայտարարության մեջ շատ կոնկրետ հարցեր են դրվել, դրանց պատասխանները մինչ օրս չեն ստացվել: ԵԱՏՄ գործընկերների համար մինչ օրս անհասկանալի է պաշտոնական Երևանի մտքի ընթացքը՝ նույնիսկ առօրյա տրամաբանությամբ նախ պետք է սեփական ժողովրդից կարծիք հարցնել, իսկ հետո ինչ-որ գործողություններ ձեռնարկել, հավելել Է Զախարովան:
Հայաստանի` ՀԱՊԿ-ից դուրս գալու հնարավորության համատեքստում Ռուսաստանի ԱԳՆ ներկայացուցիչը հայտարարել է. «Արևմտյան երկրները փորձում են «ներթափանցել տարածաշրջան»՝ իրենց ռազմական շինարարության և կառավարման չափանիշներով։ Այդ երկրները չեն կարող և մտադիր էլ չեն ապահովել տարածաշրջանի կայունությունը»։
Զախարովան ընդգծել է, որ Երևանը ցանկացած պահի կարող է վերադառնալ ՀԱՊԿ-ին լիարժեք մասնակցությանը։ Միևնույն ժամանակ, ոչ ոք Հայաստանին բռնի ուժով չի պահում կազմակերպությունում։ Երկիրն իրավունք ունի գործի դնելու կանոնադրությամբ նախատեսված բոլոր ընթացակարգերը և դուրս գալու կազմակերպությունից՝ կատարելով առկա պարտավորությունները։
Կարդացեք նաև
Հայաստանը կարող է ՀԱՊԿ-ին անդամակցության հարցում իր դիրքորոշումը հստակեցնել նոյեմբերի 9-ին Մոսկվայում կայանալիք Անվտանգության խորհուրդների քարտուղարների խորհրդակցությանը։
«Սպուտնիկ Արմենիա»
