«Կամք» նախաձեռնությունը տեղեկացրել է, որ քիչ առաջ ԱԺ-ի մոտ անհայտ անձինք ազատությունից զրկել են «Կամքի» առաջնորդ Վահագն Չախալյանին: Հիշեցնեք, որ այսօր ոստիկանությունն ու ԱԱԾ-ն ձերբակալությունների շարք է սկսել, թույլ չի տալիս ռազմական դրության պայմաններում հանրահավաքներ անցկացնել:
Այսօր առավոտյան ԱԱԾ-ն բերման էր ենթարկել նաեւ «Ազգային ճակատ» հայրենասիրական կազմակերպության նախագահ Գեւորգ Գեւորգյանին: Այս պահին նրան արդեն ազատ են թողել: Գեւորգ Գեւորգյանը տեղեկացրեց, որ ԱԱԾ-ից դուրս գալուց հետո գնում է Ազատության հրապարակ, որտեղ հանրահավաք է կազմակերպվել. «Հազարավոր տղերքի արյամբ պահած հայրենիքս թուրքին տալու համար այս իշխանությունը պետք է հեռանա»:
Հռիփսիմե ՋԵԲԵՋՅԱՆ
