ՀՀԿ նախկին պատգամավոր Միհրան Հակոբյանն այսօր մասնակցում էր անհնազանդության ցույցերին ու Փաշինյանի հրաժարականի պահանջով բողոքի երթին:
Նա լրագրողների հետ զրույցում ասաց. «5000 զոհ ենք տվել, Շուշի բերդաքաղաքը հանձնվել է թշնամուն: Ոչ թե Ադրբեջանը գրավել է, այլ Նիկոլ Փաշինյանը հանձնել է: Որպես բարեպաշտ քաղաքացիներ, մենք իրավունք ունենք այդ հարցը Նիկոլ Փաշինյանին տալու՝ պարո՛ն Նիկոլ Փաշինյան, դու ծախե՞լ ես Արցախը, թե՞ չէ, այդ 5 մլրդ-ի առաջարկը մերժե՞լ ես, թե՞ չես մերժել, ապացույցներ կան»:
Նա ասաց, որ հիմնավոր կասկածներ ունեն՝ հաշվի առնելով պատերազմի նման ավարտը, որ Փաշինյանը ծախել է Արցախը 5 մլրդ դոլարով. «Նիկոլ Փաշինյանին առաջարկվել է, ինչ է ասել Փաշինյանը՝ մենք չգիտենք: Քանի Նիկոլ Փաշինյանը իշխանություն է, մենք այդ հարցի պատասխանը չենք ստանալու: Ո՞նց եղավ, որ այս պատերազմն այսպիսի ավարտ ունեցավ»:
Հռիփսիմե ՋԵԲԵՋՅԱՆ
