«2017-ին, երբ ՀՀԿ-ն ուներ մեծամասնություն, առաջարկեց այս փոփոխություններն անել: Ձեւավորեց հանձնաժողով, ես հանձնաժողովի կազմում էի: Այս հարցում կոնսենսուս եղել է դեռեւս 2017-ին: Համաձայն են եղել փակ համամասնական ընտրակարգին բոլոր քաղաքական ուժերը՝ ե՛ւ խորհրդարանական, ե՛ արտախորհրդարանական: Որ ասում են՝ մենք տեղյակ չենք եղել՝ չկա նման բան: Բոլոր ընտրախախտումները, որ եղել են, այդ չարիքը եղել է մեծամասնական ընտրակարգից: Սա մեր դժբախտությունն է եղել տարիներ շարունակ»,- այսօր ԱԺ-ում իր ելույթում ասաց պատգամավոր Սերգեյ Բագրատյանը:
Հիշեցնենք, որ այսօր արտահերթ նիստում քննարկվեց եւ առաջին ընթերցմամբ ընդունվեց «Ընտրական օրենսգրքում» փոփոխությունների նախագիծը:
Ըստ Բագրատյանի, այս փոփոխություններն անելով՝ քաղաքական ընտրություն է լինելու. «Ոչ թե կգնանք գյուղում կասենք՝ կամուրջը կվերանորոգենք գյուղում, դպրոցը, ասֆալտը եւ այլն: Կուսակցության գաղափարախոսությունը պետք է գնա անհա՞տը ներկայացնի: Որպես լավ տղա հո չե՞ն ընտրելու քեզ, քեզ ընտրելու են՝ որպես կուսակցության անդամ, որպես այդ գաղափարախոսությունը կրողի»:
Կարդացեք նաև
Հռիփսիմե ՋԵԲԵՋՅԱՆ
