«Շատ լավ հարց եք տալիս, բայց սխալ հասցեով, կարծում եմ այդ հարցը պետք է տալ պարոն Սարգսյանին»,- լրագրողների հետ զրույցում ասաց ԿԳՄՍ նախարար Վահրամ Դումանյանը` պատասխանելով այն հարցին, թե ինչ է մտածում այն մասին, որ ՀՀ նախագահը չի ստորագրել «Բարձրագույն կրթության և գիտության մասին» օրենքը ՝ դիմելով Սահմանադրական դատարան՝ Սահմանադրությանը օրենքի համապատասխանությունը որոշելու համար:
«Սպասվում է բուռն աշխատանք մեր կողմից, ինչպես աշխատել ենք, շարունակելու ենք աշխատել: Մենք կաշխատենք օրենքի եւ գործող կարգերի շրջանակում: Որ օրենքը կլինի, այդ օրենքի շրջանակում էլ կաշխատենք»,-ասաց ԿԳՄՍ նախարարը:
Այսինքն հակասահմանադրական քա՞յլ էր իրականացվել նախարարության կողմից, ինչի համար նախագահը դիմեց նման քայլի` այս հարցին ի պատասխան էլ Վահրամ Դումանյանը նշեց. «Իհարկե ոչ, բայց այդ հարցով դիմեք այն կառույցին, ով կասկածներ ունի Սահմանադրության հետ համապատասխանության հարցում: Եթե մենք նման տեսակետ ունենայինք, բնականաբար, մենք հակասահմանադրական ոչինչ չէինք առաջարկի եւ չենք առաջարկել: Այնպես որ, կապրենք՝ կտեսնենք»:
Գոհար ՀԱԿՈԲՅԱՆ
