Եվրահանձնաժողովն առաջարկել է մեղմացնել եվրոպական երկրներ մուտք գործելու սահմանափակումները: Այդ մասին ասվում է Հանձնաժողովի հրապարակած փաստաթղթում:
«Այսօր հանձնաժողովն առաջարկում է անդամ-երկրներին մեղմացնել Եվրամիություն ոչ պարտադիր այցելությունների ընթացիկ սահմանափակումները՝ հաշվի առնելով աշխարհում պատվաստումների հաջողությունները և համաճարակային իրավիճակի բարելավումը»,- ասվում է փաստաթղթում:
Նշվում է, որ Եվրամիության երկրներին առաջարկվում է թույլատրել մարդկանց մուտքը ոչ միայն բարենպաստ համաճարակային իրավիճակում գտնվող երկրներից, այլև նրանց, ովքեր ճամփորդությունից երկու շաբաթ առաջ անցել են պատվաստման երկու փուլերը: Ընդ որում, պատվաստանյութը պետք է հավանության արժանացած լինի եվրոպական կարգավորիչ մարմնի կողմից:
Եվրահանձնաժողովի առաջարկում նշվում է, որ անդամ երկրները կարող են մուտքի թույլտվություն տալ ԱՀԿ ցանկում ներառված պատվաստանյութերով պատվաստված քաղաքացիներին արտակարգ իրավիճակներում:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
