Բուհ դիմած ուսանողների քանակով պայմանավորված՝ 2021/2022 ուստարին որոշ բուհերի համար այնքան էլ բարեհաջող չի լինի. կան մասնագիտություններ, որոնց համար դիմել է ընդամենը մեկ-երկու դիմորդ:
Ըստ ԳԹԿ մամուլի խոսնակ Խաչանուշ Գրիգորյանի փոխանցած տվյալների՝ այս տարի ընդամենը 1-ական դիմորդ ունեն Հայ-ռուսական համալսարանի «լրագրություն» ֆակուլտետն ու Հյուսիսային համալսարանի «մասնագիտական մանկավարժություն, անգլերեն լեզու և գրականություն» ֆակուլտետը:
2-ական դիմորդ է հայտագրվել Հյուսիսային համալսարանի «իրավագիտություն», «մասնագիտական մանկավարժություն, ռուսաց լեզու և գրականություն», «տնտեսագիտություն» մասնագիտությունների համար, ինչպես նաեւ Հայ-ռուսական համալսարանի «իրանագիտություն» մասնագիտության համար:
Հյուսիսային և Հայ-ռուսական համալսարանների վերոնշյալ մասնագիտություններից բացի՝ ամենից քիչ թվով դիմորդներ են հայտագրվել Ֆիզիկական կուլտուրայի և սպորտի պետական ինստիտուտի մասնագիտական մանկավարժության՝ թաեքվանդո, թենիս, մարզական պարեր, սուսերամարտ, հեծանվային սպորտ մասնագիտությունների համար (2-ական դիմորդ):
Կարդացեք նաև
Այս տարի ընդամենը 2 դիմորդ ունի նաեւ Հայաստանի գեղարվեստի պետական ակադեմիայի Արվեստաբանության ֆակուլտետը:
Հոդվածն ամբողջությամբ՝ «Հայկական ժամանակ» օրաթերթի այսօրվա համարում
