Լրահոս
Օրվա լրահոսը

«Չեմ հավակնում վարչապետի պաշտոնին․ այդ թեկնածուն պետք է ունենա բոլոր ուժերի աջակցությունը»․ Էդմոն Մարուքյան

Հունիս 16,2021 13:42 Share
Աջակցեք aravot.am-ին

«Ես ասել եմ, որ ոչ՝ չեմ հավակնելու վարչապետի պաշտոնին։ Վարչապետի պաշտոնում պետք է առաջադրվի մեկը, որը կունենա բոլոր ուժերի աջակցությունը եւ կլինի պրոֆեսիոնալ ոլորտի մարդ։ Այսինքն, մենք կառավարություն ենք գործուղելու մասնագետների, քաղաքական ուժերն էլ պետք է հսկեն։ Կառավարություն պետք է գնան մասնագետները, իսկ քաղաքական գործիչները մնան խորհրդարանում»,- նախընտրական քարոզարշավի ժամանակ այսօր լրագրողների հետ ճեպազրույցում հայտարարեց «Լուսավոր Հայաստան» կուսակցության ղեկավար Էդմոն Մարուքյանը։

Հարցին ի պատասխան, թե կա՞ն նման մասնագետներ, Մարուքյանը պատասխանեց․ «Օ՜, այն էլ ինչքան կան։ Ուղղակի պրոֆեսիոնալները խուսափում են քաղաքականացված, ավելի ճիշտ՝ կուսակցականացված կառավարությունների մաս կազմել։ Պետք է մի կողմ դնել «մեր հետ ես քայլել, նախարար կնշանակենք» ու նման մոտեցումները»։

Մարուքյանի խոսքով՝ եթե որեւէ քաղաքական ուժ հիսուն տոկոսից ավելի չհավաքի, հակամարտող ուժերը ստիպված են նստելու համերաշխության սեղանի շուրջը եւ կառավարություն ձեւավորելու։

Լուիզա ՍՈՒՔԻԱՍՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Մեկնաբանություններն անջատված է: