Այսօր աշխատանքային այցով Շիրակի մարզում էր ՀՀ տարածքային կառավարման և ենթակառուցվածքների նախարարի ժամանակավոր պաշտոնակատար Սուրեն Պապիկյանը։ Նա եղավ Հյուսիս-Հարավ նորակառույց ճանապարհի Լանջիկ-Գյումրի հատվածում, որտեղ ասֆալտապատման ակտիվ աշխատանքներ են ընթանում, այնուհետ շրջեց Գյումրու վերանորոգված փողոցներում՝ խոսելով Գյումրին զբոսաշրջային ամենապահանջված քաղաքը դարձնելու մասին։
Գյումրիում լրագրողները ճանապարհաշինությունից ու փողոցաշինությունից զատ՝ նախարարին հարց ուղղեցին Սյունիքում համայնքապետերի ձերբակալման ու կալանավորման մասին։ Հարցին՝ մի՞թե սա հաշվեհարդար է համայնքապետերի նկատմամբ, ինչպես որակում են ընդդիմախոսները, նախարարը պատասխանեց․
Կարդացեք նաև
«Դա ընդդիմության գնահատականն է, ես ընդամենը կարող եմ ասել, որ իրավապահ համակարգն իր գործն է անում, և ես չեմ կարծում, որ այստեղ քաղաքական միջամտության կարիք կա կամ իմ մեկնաբանության խնդիրը կա։
Թե իրավապահներն ունեն փաստեր, որի արդյունքում որևէ մեկը պիտի ձերբակալվի կամ կալանավորվի, ուրեմն պիտի կալանավորվի։ Որևէ հաշվեհարդար չի կարող լինել, որովհետև հաշվեհարդար տեսնողը կամ ընդունողը ժողովուրդն է, ժողովուրդը իր որոշումն ընդունել է հունիսի 20-ին»։
Նա խոսեց նաև Գյումրիում առաջիկայում սպասվող ՏԻՄ ընտրությունների մասին, դեմերես գնահատականներ հնչեցրեց Շիրակի մարզպետ Հովհաննես Հարությունյանի ու քաղաքապետ Սամվել Բալասանյանի աշխատանքներին։
Այս մասին՝ քիչ անց։
Նունե ԱՐԵՎՇԱՏՅԱՆ
