Լրահոս
Օրվա լրահոսը

Զանգեզուրի պղնձամոլիբդենային կոմբինատի 38 աշխատակից է ազատվել

Հուլիս 16,2021 16:06

Զանգեզուրի պղնձամոլիբդենային կոմբինատի գլխավոր տնօրեն Պարագ Յոհաննես Բհատի հրամանով աշխատանքից ազատվել են 38 հոգի։ Ազատվողների ցանկում են արտադրամասի պետեր, անվտանգության դեպարտամենտի ղեկավարն ու աշխատակիցները, էներգետիկներ, վարչական աշխատողներ՝ խորհրդականներ, օգնականներ։ Ազատվել է նաեւ ընկերության խորհրդի նախագահի խորհրդական Գառնիկ Ղազարյանը (հայտնի է որպես «Աժդանակ»–ի Գարիկ-Ա․Դ․), որը մեր տեղեկություններով, մեկ ամսով երեկ կալանավորվել է։

Մեր աղբյուրի փոխանցմամբ, աշխատանքից ազատվողները հիմնականում ԶՊՄԿ–ի գլխավոր նախկին տնօրեն, Սյունիքի նախկին մարզպետ Վահե Հակոբյանի մտերիմներն են։ «Կարելի է ասել, աշխատանքից ազատվողները նրանք են, որոնք մյուս աշխատակիցներին ճնշել են ընտրության հարցում, նրանք, ովքեր վարչապետի ճամփան էին փակել»,–ասաց մեր աղբյուրը։

Aravot.am-ը փորձեց աշխատանքից ազատվածներից պարզել, թե ինչ պատճառով են ազատվել աշխատանքից; Սակայն նրանք առայժմ զերծ մնացին մեկնաբանություններից, ոմանք էլ ասացին, որ դիմելու են դատարան։

Ի դեպ, հիշեցնենք, որ Սյունիքում նախընտրական քարոզարշավի ժամանակ ՀՀ վարչապետի պաշտոնակատար Նիկոլ Փաշինյանը հայտարարեց, որ մինչեւ հուլիսի 15-ը ԶՊՄԿ-ում փոփոխություններ կլինեն։ «Նրանք ովքեր մարդկանց սպառնում են աշխատանքից ազատվել, իրենք չեն աշխատելու»,–ասել էր Փաշինյանը։

Պարզաբանումների համար հարցում ենք ուղարկել նաեւ ԶՊՄԿ։

Արմեն ԴԱՎԹՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հուլիս 2021
Երկ Երե Չոր Հնգ Ուրբ Շաբ Կիր
« Հուն   Օգո »
 1234
567891011
12131415161718
19202122232425
262728293031