Կորոնա-աղետը ներխուժել է բանտ
ՀՀ Քրեակատարողական հիմնարկում՝ ըստ չորրորդ իշխանության, գրանցվել է կորոնավիրուսից մահ: Եվրոպայի խորհուրդը դեռևս նախորդ տարի հորդորեց, որպես ռիսկային գոտի, կալանավորված անձանց խափանման միջոցները փոխարինել գրավով:
Մարդու իրավունքների եվրոպական դատարանում Հայաստանն, իրավամբ, համարվում է անձանց հանիրավի կալանավորելու առաջամարտիկ:
Փաստում եմ, որ Հայաստանի կալանք կրող անձանց ոչ պակաս յոթանասուն տոկոսը կալանավորվել է վերացական դատողությունների հիման վրա, որ իբր ազատության մեջ մնալով կարող են խոչընդոտել նախաքննությանը, թաքնվել կամ նոր հանցագործություն կատարել: Դա անթույլատրելի է, դա հանցագործություն է, այն էլ՝ համակարգային:
Կարդացեք նաև
Կորոնայի այս մասշտաբների պայմաններում անհրաժեշտ է անհապաղ վերանայել կալանավորված անձանցից շատերի կալանքը՝ փոխարինելով այն գրավով կամ օրենքի փոփոխությամբ սահմանելով տնային կալանք: Վաղը ոչ միայն ուշ կլինի, այլ նաև ուշացած՝ դառնալով աղետ իշխանության համար:
Լևոն Բաղդասարյան
Լեվ Գրուպ փաստաբանական գրասենյակի գլխավոր տնօրեն
