Քիչ առաջ Հ1 հեռուստաընկերության ուղիղ եթերում հրավիրված հեռուստաբանավեճի ժամանակ, երբ հաղորդավարների կողմից հնչեցվեց հարց, թե «Ինչպիսի՞սն են 5 տարի անց պատկերացնում Վանաձորը», առաջինը հարցին պատասխանելու ցանկություն հայտնեց «Բարգավաճ Հայաստան» կուսակցության ընտրական ցուցակը գլխավորող Էդգար Բոջուկյանը. «Մեր պատկերացրած Վանաձորը՝ շատ բարեկեցիկ, տուրիզմը զարգացած, նորաստեղծ բնակարանները կան, բոլոր ճանապարհները պատրաստած են, ասֆալտապատած են, լուսավորությունը կա, խելացի կանգառներ ունենք: Քանի որ ունեմ պարոն Ծառուկյանի նման ղեկավար, ես 100 տոկոսով կասեմ, որ մենք վստահության քվեն ստանալու դեպքում Վանաձորը կշենացնենք, կբարգավաճացնենք ու մեր ասած խոսքը գործ է»:
Լուսանկարը՝ Բոջուկյանի ֆեյսբուքյան էջից
Իսկ Բոջուկյանի խոսքին հակադարձեց «Հանրապետություն» կուսակցության ընտրական ցուցակը գլխավորող Վազգեն Թորոսյանը. «Պարոն Բոջուկյան ջան, ես անձամբ ձեզ շատ եմ հարգում, ուղղակի դուք այս պահին գտնվում եք բարեխիղճ մոլորության մեջ: Դու էդ ամեն ինչն ասում ես՝ հիմնվելով պարոն Ծառուկյանի խոստումների վրա: Պարոն Ծառուկյանը պատերազմի ժամանակ էլ նիվաները հանեց, կամուֆլյաժը հագավ, խոստացավ, որ հասնելու է էնտեղ, ու այդպես էլ տեղ չհասավ»:
Թորոսյանի այս խոսքից հետո երկու թեկնածուների մեջ սկսվեց թեժ բանավեճ:
Տաթեւիկ ՂԱԶԱՐՅԱՆ
Կարդացեք նաև
