Երեկ՝ դեկտեմբերի 31-ին, Հայաստանի քննչական կոմիտեի Շիրակի մարզային քննչական վարչության պետ Աղասի Իսահակյանի որոշմամբ ստեղծված քննչական խմբի ղեկավար, նույն վարչության հատկապես կարևոր գործերով ավագ քննիչ Մուրադյանը միջնորդություն է ներկայացրել Շիրակի մարզի ընդհանուր իրավասության դատարան, որպեսզի դատարանը, որպես խափանման միջոց, 2-ամսյա կալանքի որոշում կայացնի Երևանի բնակիչ 50-ամյա Գևորգ Մ․-ի նկատմամբ։
Ինչպես հայտնում է ֆոտոլրագրող Գագիկ Շամշյանը, դատարանը դռնփակ դատական նիստն անցկացնելուց և խորհրդակցական սենյակից վերդառնալով, բավարարել է քննիչի միջնորդությունը, և Գևորգ Մ․-ն կալանավորվել է ու դատարանից տեղափոխվել ՀՀ արդարադատության նախարարության քրեակատարողական ծառայության համապատասխան հիմնարկ։
Հիշեցնենք՝ Գևորգ Մ․-ն կասկածվում է Գյումրու Բագրատունյաց օղակում 63-ամյա Անահիտ Իսկանդարյանի սպանության մեջ․ նա 1972 թվականին ծնված՝ Երևանի Դավթաշեն թաղամասի բնակիչ է, որը տվել է ինքնախոստովանական ցուցմունք։
Նյութն ամբողջությամբ՝ սկզբնաղբյուր կայքում
