«Թուրքիան կսատարի Ադրբեջանի ագրեսիվ պահանջներն առնվազն մինչեւ 2023թ․-ին Թուրքիայում ընտրությունների անցկացումը։ Այս ամենին զուգահեռ, Թուրքիայում Էրդողանի հիմնական հենարանն ազգայնական, իսլամիստական հատվածներն են բնակչության, որոնք հայասիրությամբ, բնականաբար, աչքի չեն ընկնում։ Էրդողանն այստեղ խնդիր ունի տվյալ ընտրազանգվածի ձայներն իր համար պահպանելու»,-«Առավոտ»-ի հետ զրույցում ասում է «Օրբելի» վերլուծական կենտրոնի փորձագետ, թուրքագետ Տարոն Հովհաննիսյանը՝ անդրադառնալով Թուրքիայի ԱԳ նախարար Մեւլութ Չավուշօղլուի վերջին հարցազրույցներից մեկում ադրբեջանական կողմի օգտին արված հայտարարություններին։
«Հետեւաբար, մինչեւ ընտրությունների անցկացումը Թուրքիայի ճնշող քաղաքականությունում որեւէ փոփոխություն ակնկալել պետք չէ։ Ընտրություններից հետո չեմ կարող ասել, թե ինչ ուղղությամբ կգնան Թուրքիայի իշխանությունները»,-հավելում է Տարոն Հովհաննիսյանը։
Չավուշօղլուի՝ հայկական կողմին ուղղված մեղադրանքների մասին փորձագետի հետ ամբողջական հարցազրույցը՝ «Առավոտ»-ի վաղվա համարում։
Լուիզա ՍՈՒՔԻԱՍՅԱՆ