Aravot.am-ին տեղեկություններ են հասել, որ հոկտեմբերի 26-ին ՀՀ ոստիկանությունը ՀՀ հակակոռուպցիոն կոմիտեից գրություն է ստացել, որ նախաձեռնվի քրեական վարույթ այն առնչությամբ, որ Սարագյուղ համայնքի նախկին ղեկավար Գ. Գ.-ն, պաշտոնավարման ընթացքում 2012-2016թթ. համայնքի սեփականություն հանդիսացող դրամական միջոցներից ընդհանուր 2.770.000 ՀՀ դրամ փոխանցումներ է կատարել ՀՀ տարբեր ԲՈՒՀ-երում ուսումնառություն իրականացրած, իր եւ Սարագյուղ համայնքի ավագանու անդամների հարազատների ուսման վարձը վճարելու նպատակով:
Իսկ 2013-2015թթ համայնքի սեփականություն հանդիսացող դրամական միջոցներից ամանորյա պարկեր գնելու պատրվակով ընդհանուր 500.000 ՀՀ դրամի փոխանցումներ են կատարվել Շիրակի մարզի Աշոցք համայնքում գործող «Կատանիա» ՍՊԸ-ի հաշվին: Որը սակայն նպատակին չի ծառայել եւ կանխիկացման միջոցով յուրացվել է:
Բացի այդ՝ 2016թ-ի սեպտեմբեր ամսին Գ. Գ.-ն ստեղծել է հրապարակային մրցույթ անցկացնելու վերաբերյալ կեղծ հիմքեր եւ, առանց իրական մրցույթ անցկացնելու՝ իր եղբորը՝ Ս. Գ.-ին վարձակալությամբ տրամադրել է ընդհանուր 88 ՀԱ հողատարածք:
ՀՀ հակակոռուպցիոն կոմիտեում նախաձեռնվել է քրեական վարույթ:
Կարդացեք նաև
Լուսանկարը՝ Սարագյուղի ֆեյսբուքյան էջից
