Կրեմլի մամուլի ծառայությունից տեղեկանում ենք. ՌԴ նախագահ Վլադիմիր Պուտինը հեռախոսազրույց է ունեցել Թուրքիայի նախագահ Ռեջեփ Թայիփ Էրդողանի հետ։
Պուտինը և Էրդողանը «քննարկել են առևտրատնտեսական կապերի հետագա ընդլայնման հարցեր, առաջին հերթին էներգետիկայի ոլորտում։ Նշվել է ռազմավարական նշանակություն ունեցող այնպիսի համատեղ նախագծերի իրականացման առաջնահերթությունը, ինչպիսիք են Թուրքիայում տարածաշրջանային գազային հանգույցի ստեղծումը և «Աքքույու» ԱԷԿ-ի կառուցումը։
Անդրադարձ է եղել Ուկրաինայի շուրջ ստեղծված իրավիճակին. ռուսական կողմում ընդգծվում է արևմտյան պետությունների կործանարար դերը՝ Կիևին զենք և ռազմական տեխնիկա մատակարարելով, նրան օպերատիվ տեղեկատվություն տրամադրելով:
Հակամարտության քաղաքական կարգավորման համար թուրքական միջնորդության հարցում Էրդողանի պատրաստակամության լույսի ներքո Պուտինը վերահաստատել է լուրջ երկխոսության համար Ռուսաստանի «բաց լինելը»՝ պայմանով, որ Կիևի իշխանությունները կկատարեն հայտնի և բազմիցս հնչեցված պահանջները և հաշվի կառնեն տարածքային նոր իրողությունները։
Կարդացեք նաև
Հաշվի առնելով ուկրաինական հացահատիկի արտահանման և Ռուսաստանից սննդամթերքի ու պարարտանյութերի մատակարարումների ապաշրջափակման վերաբերյալ 2022 թվականի հուլիսի 22-ի Ստամբուլի համաձայնագրերի վավերականությունը, ընդգծվել է բարեխիղճ մոտեցման անհրաժեշտությունը, որը ենթադրում է ռուսական արտահանման բոլոր խոչընդոտների վերացում։
Ուշադրություն է դարձվել սիրիական կարգավորման հեռանկարներին։ Դրական գնահատական է տրվել 2022 թվականի դեկտեմբերին Մոսկվայում պաշտպանության նախարարների հանդիպմանը՝ Ռուսաստանի, Թուրքիայի և Սիրիայի հետախուզական ծառայությունների ղեկավարների մասնակցությամբ։
Նախագահները հույս են հայտնել, որ նման եռակողմ ձևաչափով շփումները կնպաստեն Սիրիայի Արաբական Հանրապետությունում իրավիճակի արմատական բարելավմանը, այդ թվում՝ նրա տարածքային ամբողջականության վերականգնմանը, փախստականների խնդրի լուծմանը և միջազգային ահաբեկչական կառույցների դեմ պայքարի խնդիրների լուծմանը»:
