Ծովագյուղի թունելն այս ընթացքում մենք մի քիչ լուսավորել ենք, վերականգնել ենք, բայց որ մտնում ես, ընդհանուր տեսքը միջնադարյան է։ Այս մասին այսօր կառավարության նիստում ասաց Նիկոլ Փաշինյանը։
«Մենք պայմանավորվել ենք, որ Ստեփանավանի թունելը, Ծովագյուղի թունելը, Սպիտակի թունելը պետք է բերենք ամենաժամանակակից տեսքի։ Այլ երկրներում, որ թունել ես մտնում, Թումանյանի ասած՝ ոնց որ «լիս աշխարհ ես ընկնում», իսկ մեզ մոտ, որ թունել ես մտնում, ոնց որ քավարանի վերջին էտապը լինի»,-ասաց նա։
Խոսելով ճանապարհաշինական ծրագրերից՝ Փաշինյանը հայտնեց, որ առիթ է ունեցել անցնելու Հյուսիս–հարավ ավտոճանապարհի Թալին–Լանջիկ ավարտված հատվածով ու գոհ է մնացել կատարված աշխատանքից։ «Կարծես թե մենք առաջին անգամ նոր ստանդարտի ճանապարհ ենք ստացել։ Եվ ես նախարարին ասել եմ, որ եթե մի տարուց փոսեր չհայտնվեն այդ ճանապարհի վրա, ուրեմն մենք իսկապես նոր որակի ճանապարհ ենք ստացել»,–ասաց նա։
Փաշինյանն ընդգծեց, որ թեև ճանապարհը դեռ ամբողջությամբ չի կահավորվել ճանապարհային նշաններով, բայց կարելի է արձանագրել, որ Հայաստանում երբեք այդ որակի ու ստանդարտի ճանապարհ չի եղել:
Կարդացեք նաև
Լուսինե ՄԱՐԳԱՐՅԱՆ
