ԱԺ «Քաղաքացիական պայմանագիր» խմբակցության պատգամավոր Հովիկ Աղազարյանն արդեն ներկայացրել է հանցագործության մասին հաղորդում այսօր Տիգրանյան հասցեում կարտոֆիլի առեւտրով զբաղվող մի քաղաքացու հետ ունեցած միջադեպի վերաբերյալ:
«Փոխադարձ քաշքշուկ է եղել, ծեծ չի եղել: Առավոտյան գործի գալիս նկատեցի, որ Տիգրանյան փողոցի երթեւեկելի հատվածի վրա կանգնած մեքենան կարտոֆիլ է վաճառում: Կայանեցի մեքենան, մոտեցա մեքենային, մեջը մարդ չգտա, այս ու այն կողմ էի նայում, մեկ էլ մի քաղաքացի մոտեցավ՝ բա ի՞նչ է եղել: Հարցրի՝ ինչո՞ւ եք այստեղ վաճառում, բա թե լավ եմ անում, ձեր ի՞նչ գործն է: Երբ ներկայացա, որ պատգամավոր եմ, ինձ թե բա սենց, սենց, քաշքշուկի ժամանակ մի մեշոկ կարտոֆիլը թափվեց: Վիրավորական խոսքեր, էդքան բան»,-Aravot.am-ի հետ զրույցում պատմեց պատգամավորը:
Հովիկ Աղազարյանի խոսքով, ինքն արագ զանգահարել է Արաբկիր վարչական շրջանի ղեկավարին, վերջինս հայտնել է այդ մասին ոստիկաններին: Ոստիկաններն էլ դեպքի վայրում կրքերը հանդարտեցրել ու առեւտրականին հեռացրել են տարածքից:
Պատգամավորից հետաքրքրվեցինք՝ քաղաքացուց ստացած հայհոյանքները եւ վիրավորական խոսքերը հնարավո՞ր է կապված էին իր կուսակցական պատկանելության հետ. «Չէ, ինքը եւ իր նմանները այն տզրուկներն են, որոնք ծծում են հասարակ ժողովրդի եւ շարքային քաղաքացու ֆիզիկական արյունը, հոգեբանական արյունը, նյութական արյունը, հանգստի արյունը: Ինքը էդ խավի ներկայացուցիչ է 100 տոկոսով, որովհետեւ ոչ մեկը չի կարող իրեն թույլ տալ երթեւեկելի մասի վրա դնի ու առեւտուր անի: Բնականաբար, շարքային քաղաքացին միգուցե դժվարանա փորձել կարգի հրավիրել, ես՝ ոչ: Օգտվելով իմ պատգամավորական մանդատից՝ փորձեցի կարգի հրավիրել, որ նման բաներ չարվեն: Բայց ագրեսիան կար ու դա պայմանավորված չէր, որ ես ՔՊ –ից եմ, ինքը ինձ նույնիսկ չճանաչեց էլ: Էդ տիպի մարդիկ իրենց արյունով գիտեն՝ ոնց անեն, որ լինեն էդ ամեն ինչի տիրականը եւ այլն»:
Կարդացեք նաև
Արփինե ՍԻՄՈՆՅԱՆ
Հ․ Գ․ Քննչական կոմիտեն ավելի ուշ հաղորդեց, որ Հովիկ Աղազարյանը տուժող է ճանաչվել, իսկ կարտոֆիլ վաճառող անձը՝ ձերբակալվել։
Տզրուկը ձեր քաղաքական թիմնա վերից վար
Պարզ չէ՞, որ ՔՊ-ական «ժողովրդավարության» պայմաններում Աղազարյան կոչված արտոնյալը տուժող կճանաչվի, որն աչքի է ընկնում Նիկոլին քծնողների խմբակում, իսկ կարտոֆիլ ծախողը կձերբակալվի, պարզ չէ՞, որ ամենաիսկական տզրուկը, որը տռզել է ժողովրդի արյունը պատգամավորական պարգևավճարների տեսքով կուլ տալուց, կարող է զանգել վարչական շրջանի ղեկավարին, որն էլ հպատակի կարգավիճակով ցուցում տա ոստիկաններին, որ ձերբակալեն հասարակ կարտոֆիլ վաճառողին:
Թուրքի առաջ կռացող էս անողնաշարավորները 4 տարվա ընթացքում դրսում հասան փալասության աստիճանի, իսկ ներսում դարձան լկտիներ ու գիշատիչներ՝ հասարակ մարդկանց ճնշելու, ձերբակալելու և մի հատ էլ պիտակավորելու հարցերում:
Գիտե՞ք, թե ոնց ենք ձեզանից զզվում…
Մեր ընդդիմություն կոչվածն էլ իջել է ջրի հատակը ու երևի ադապտացվում է հատակային պայմաններին: Տղերք ջան, գոնե ջրի տակից բարձրախոսով երբեմն-երբեմն հարցրեք. «Ժողովուրդ ջան ո՞նց եք, ամու՞ր եք, պի՞նդ եք»: